MODELÊN BİGİRÎ

Di Meclîsa da mineqeşeyeke alafgiran û tijî girî li ser ″Tirkîyê li modela xwe

digere″ hate kirin. Qet qalê mekin, dunya û alem bi vê mineqeşeya tarîxî û hemsalnedîtî mat ma.

Erdogan bi dengekî girîlêbar modela partîya xwe aşkere kir. Li gorê dengkirina wî navê modele PêAPê (Bi tirkî AKêPê) ″dayik negrîn″ e.

Ji gotinên Öymen derdikeve ku navê modela partîya PêHêCê (bi tirkî CêHêPê) ″dayik bigrîn″ e!`″ Sewa ku her kes fehm bike û kerra jî bi guh bike Öymen bikaraniya vê modelê li Dersimê bibîranî û pê bû sebeba lerîzîneke sîyasî.

Ku tu li rabûn û rûniştin û dengkirinên PêHêMê (bi tirkî MêHêPê) mêz dikî tu yê navê modela wan ″dayik bigîrî kirin″ lê bikî.

Yanê ew ê hazir in ku dayikên yên ku bi dîtina wan bi ″pêşvekirina pirsa kurd″ rê li ber parçebûna Tirkîyê vedikin bigirî bikin.

Navê modela PêCêDê (bi tirkî DêTêPê) ya ku di meclisê da li ser kursîya

namzetê qewtandinê disekine ″mehkumê Îmralîyê negrî″ ye.

Her der şîn û girî ye. Heqê xwe ye ku navê meclîsê biguhêrin bikin ″xanîyê şîn û ajcîyan!″

Ma ewqas êş û girî li Tirkîyê û Kurdistanê ne bes e?

Bi kujtina 7 eskeran li Reşadîyê û qewtandina PêCêDê ji meclisê modela ″dayik

bigrîn″ careke din rûyê xwe yê sar, hilekar û bixof nimand. Navê Modela ″dayik

bigîrîn″ yê bi dizî modela ″gurê merxûrî″ ye. Ew ji kujtin û xwînrijandinê têr nabe.

Dawîya vê Modelê kingê ware kes nizane.Tirkîyê hîn negihêştîye dewra ″dayik negrîn″.

Dewra ″bavik bigrîn″ û ″bavik negrîn″ hîn li pêş wê

20.12.2009